يجب علينا مذاكره القدرات كويس واختبر الحاسب والفصل الدراسي
الاول وهو يعتمد علي الحظ
، قبل ما اعطيكم نصايح للتحصيلي بحد ذاته فيه شي مهم بساعدكم انكم تجيبوا
درجات عالية فيه ،أنكم تفتكوا من القدرات لا تقولوا راح نذاكر الاثنين ! اكبر غلط
ممكن تسووه! مستحيل تقدرو توازنوا بينهم وبتضطروا تختبروا قدرات وقت تسجيل
الجامعات مثل بنات دفعتي ، غير أنهم ضلوا يذاكروا قدرات حتى قبل التحصيلي
بالفتره المفروض هم يركزوا عليه.
الخلاصة ، ذاكروا قدرات كويس واختبروا محوسب وافتكوا منه بدايه السنه او الفصل
الدراسي الأول (ميزه المحوسب ان يعطيك ع قد تعبك يعني لو تعبتي مره(اذا ذاكرت
بالطريقه الصح طبعاً) راح تحصلوا نتيجه عاليه مو مثل الورقي يعتمد شوي ع الحظ
للاسف لكن ما يصلح للناس إلي ما تذاكر وتأجل لانها راح تجيب درجه أقل فحاولوا
تجتهدوا فيه).
بعدها أبدوا تحصيلي، احس شهرين ونص راح يكفوا انكم تجيبوا درجه مرضيه جداً
ولو كان عندكم وقت اكثر وخلصتوا القدرات من فتره طويله استغلوا الوقت الباقي
بتطوير لغتكم الأنجليزية للجامعة.
بالنسبة للتحصيلي، بالبدايه انا طبعت ملخصات كثيره من مناهج اول الى مناهج
ثالث واستوعبت انه ما يمدي فما ذاكرتهم (وبعدها اكتشفت ان ما يحتاج اصلاً!
الا اذا مره كنتوا تبوا تضمنوا ١٠٠-٩٨ اكيد ممكن تذاكروهم بس ماحس له داعي)
انا واعرف بنات ما ذاكرنا لا ملخصات ولا مناهج وجبنا ٩٩،٩٨،٩٧. المناهج اشوفها
تكون مرجع في حاله ما فهمتوا شي معين.
اجل ايش المصادر الا ذاكرتها انا والافضل تذاكروا منها ؟
افضل كتب التحصيلي هو كتاب عبدالكريم ولا تذاكروا من كتاب غيره لانها بتكون
مضيعه وقت اكثر ميزة هذا الكتاب انه فيه شرح واسئلته اغلبها من التجميعات
ويجي من اسئلته بالاختبار بعكس الكتب الثانيه (انتهبوا لازم تكون عندكم اخر
نسخه لا تذاكروا كتاب قديم عشان تكون التجميعات جديدة)
من هنا تقدروا تحملوه او اشتروه من اي مكتبة
http://daralharf.com/?page_id=2024
الكتاب موجود شرح بشكل عام ع جمب والاجابات بنهاية كل قسم لكن للاسف
مافيه شرح للاجابات
الريض: اول شي تبدوا فيه تابعوا هذي الفيديوهات (قبل ما تبدوا بالكتاب)
ضروري جداً حتى لو ما تحبوا تتعلموا من الفيديوهات
اول شي لان فيه كثير دروس انتو ما اخذتوها لانكم بتذاكروا قبل ما تخلصوا المناهج
فصعب تفهموها من كتاب عبدالكريم
ثاني شيء فيه اسئله من التجميعات وبعضها غير مباشر احياناً وكتاب عبد الكريم
مافيه شرح لطريقة حل الاسئلة فبتشوفوا اسئله ما تعرفوا كيف تحلوها.
+ فيه فيديوهات شروحات لاسئله التجميعات ممكن تفيدكم لو ما عرفتوا طريقة
خل سؤال معين
باقي المواد ذاكروها من كتاب عبدالكريم مباشرتاً
الكيم: احسه واضح ذاكروه اذا ما فهمتوا فقره رجعوا للمنهج او سألوا معلمينكم
بالمدرسة او بقروبات التلجرام (احرصوا انكم تدخلوا قروبات تحصيلي للتلجرام لانها
مهمه او فيس بوك).
الفيز : مليااااان قوانين ومستحيل تحفظوها بس بحل مسائل الكتاب فافضل حل
انكم وقت ما تذاكروا تكتبوا القوانين (القوانين الموجودة بكتاب عبدالكريم) في دفتر
او ورقه وتحفظوها اذا خلصتوا القسم وفيه قوانين احس قليل جداً تتكرر موجودة
بالكتاب مثل قوانين فيز اول ثنوي الطويلة.
الاحياء: مافيه شي كله حفظ(عشان كذا مراجعة الاحياء مهمه) ومو لازم تقروا
حتى المعلومات (اقروها لكن افضل لو عندكم وقت) الا ع جمب بس احس هذا
الفيديو ساعدني خصوصاً ان اسئله دوره الخليه تتكرر ويمكن تتلخبطوا بين الاطوار.
اذا خلصتوا الكتاب ايش تسووا بعدها ؟
راجعوه.
المراجعه جداً مهمه وبتلاحضوا اذا راجعتوا انكم نسيتوا معلومات كثيره(خصوصاً الاحياء
لانه اغلبه حفظ) بس عموماً المراجعة مو مثل المذاكرة ماله داعي تحلوا كل مسائل
الريض مره ثانية مثلاً
بالنسبة لترتيب خطة المذاكره:
انا بديت بالريض وخلصته بعدها الاحياء (بديت فيه لاني خلصته صيفي لو اني بديت
بالفيز مثلاً بكون فيه اشياء ما اخذتها بالمدرسه وبيضيع وقت وانا احاول افهمها
خصوصاً ان الفيز مافيه شروحات باليوتيوب زي الريض ) بعدها بديت بالفيز ووقفت
لين وصلت بمنهج المدرسة وبديت كيم ورجعت بعدها كملت الفيز بالنسبة للمراجعة
خليت اخر شيء الاحياء لان اكثر ماده حفظ بالتالي اكثر مادة تنسى فانصحكم
بالمذاكرة والمراجعه تخلوه اخر شيء عموماً رتبو المواد بالطريقة الا تناسبكم.
لما تخلصوا الكتاب ذاكروا التجميعات ابدوا باخر تجميع نزل واذا خلصتوه انتقلوا للتجميع
الاقدم وبتلاحظوا اسئلة كثيره مرت عليكم فبتكون مره سهلة بس لازم تخلصو
التجميعات قبل اختباركم بأسبوع لان الطلاب الا قبلكم يسربوا اسئلة اختبارهم
(افضل دائماً ما تختاروا تختبروا باول يوم) واحتمال كبير يجي لكم منها نسخ لصق.
لكن فيه اختبارات تجي بالضبط نفس التسريبات واختبارات فيه لكن اقل يعني هو
فيه شوي نسبة حظ اول اختبار جاتلي اسئله قليله من التجميعات وجبت 93 وتحطمت
لاني قلت مع اني مذاكره اكثر من شهرين وجبت 93 اكيد راح اجيب اقل بالاختبار
الثاني الا عندي بس اسبوع حق اذاكره (بسبب الاختبارات والتخرج بقى لي اسبوع
بس تقريباً) ، الزبده في هذا الاسبوع بس ذاكرت تجميعات وتسريبات وجالي الاختبار
نفسسسسسس التسريبات بالضبط حرفياً نفسها بالضبط! ما عدا قسم كان مو
منها كلها جديدة بعضها كانت شوي بديهيه لو كنتوا فاهمين بس افكار اسئله الريض
جديده ما مرت من قبل واخذت وقت طويل وانا احلها لان ما عرفت بالبدايه بس
استوعبت الفكره ، عموماً كنت محظوظه لان كان اكثره رياضيات وانا اعرف له اكثر
من باقي والحمدلله جبت ٩٩-ما شاء الله-
تجربتي مع القدرات 99
, كيفيه تحصيل القدرات بطريقه صحيحه
تجربتي مع القدرات 99
- تجربتي مع القدرات 99
