تعلم البترون بشكل مميز , تطبيقي و باتروني مع ملاحظاتي حول غرزة قشور السمكة
تعلمي ابرز الغرز في عالم الباترون الرائع و المميز جدا ، افضل الغرز علي الاطلاق
و اهمها ،
*************************************
1- نحضر الادوات اللازمة من قماش ومقص وابرة والمازورة وغيرة القلم الخاص بالرسم والمسطرة والباترون
اللى موجود معانا واللى محتاجين ننزله على القماش
2- الغرزة دى يا بنات على ظهر القماش ماشى بعنى تعتبر من الغرز السهل هى
فعلا محتاجة تركيز بس سهله مش حنشتغل على الظهر ونرجع نكمل على الوش ونعبد تانى
على الظهر لا مش حنعمل دة كله حنشتغل على الظهر وبس.
3- دة شكل الباترون او المخطط اللى حنحتاجة وحنرسمة على ظهر القماش
اسفة با جماعة انا المفروض انى انزل صور لكل خطوة بس للاسف دة حيتقل المدونة
فحعمل موضوع خاص بكل الادوات اللى حنحتاجها والخطواط المكررة فى مقال خاص علشان الكل يتابع
ومحدش ميفهمش معايا فى الشرح .
زى ما اتعلمنا قبل كدا نرسم المربعات على ظهر القماش بالمقاسات المطلوبة .
ونرسم جوة المربع المخطط او الباترون تمام كدا.
واهم حاجة مننساش اننا نسيب 5 سنتى على اطراف القماش علشان الفنش النهائى للشكل
4- الشكل النهائى للقماش بعد الرسم علية حيبقى بالشكل دة واحب اركز على نقطة لو
حتشتغلوا على قماش ستان ياريت وقت الرسم نفردة على قماش تانى علشان نثبتة وميتحركش معانا
علشان ترسم صح والمربعات تكون مظبوطة والرسم يكون مظبوط واهم حاجة المخطط نرسمة صح
طبعا احنا بنحط ارقام علشان نوضح مكان دخول وخروج الابرة علشان الكل يتابع معانا الخطواط
الصحيحة للشغل والخطواط الصحيحة لكيفية عمل الغرزة
فحنحط الابرة فى مكان الرقم 1 ونتبت عليها زى الصورة كدا
بس هنا بقا لازم نركز بصوا للصورة من قريب حتلاقوا الارقام على 3 خطواط من
الجمب 1و 2 دى لوحدها معناها اننا حندخل الابرة فى واحد ونطاعها من اتنين ونشد
الخيط ونتبت علية دى جزء من الغرزة ماشى..
وبعدبن الجزى التانى اللى هو شبة الحرف t دة يا بنات حندخل الابرة من 1
وبدين 2 وبعدين 3 ونشد ونتبت على الغرزة دة جزء .
وبعد كا نحط الابرة فى 1 و2 ونشد الخيط ونتبت الغرزة كدا تمام يارب تكونوا
فاهمين الكلام ونتابع دة بالصور ولا حظوا كل دة على ظهر القماش انا باكد على
النقطة دى.
هنا احنا حطينا الغرزة فى 1 و2 وتلاتة وشدينا الخيط وتبتنا على الغرزة فبقت كدا
لاحظوا لية 1 و2 على الجنبين .
اهو كدا خلصنا الغرزة اللى فيها 3 ارقام شبة حرفt
ونصيحة علشان تخلصى بشكل افضل واحسن واشرع نخلص الاول كل الغرز اللى بحرف الtفى الاول
علشان متتلخبطيش بس لو عايزة تخلصى بالترتيب ودة مش حيلخبطك فبراحتك بس انا هنا حشرح
بالطريقة اللى هى نخلص الغرزة بحرف الt الاول احسن فحوريكم صورة ازاى حيبقى شكل القماش
واحنا بنشتغل الغرزة بحرف الtوازاى الشكل بعد ما خلصنا كل غرز الحرف t .
بالشكل دة حيكون ظهر الغرزة بعد ما خلصناها للنهاية..
ودة الشكل الاولى للغرزة بعد ما خلصنا الغرزة من الخلف على شكل حرف الt
ودة الشكل المبدئى للغرزة نكمل بقا باقى الخطوات
ونشتغل بقا الغرز المايله اللى على الجناب اللى مكتوب عليها 1و2 زى الصورة كدا
بالشكل الموجود فى الصور كدا نكون خلصنا خياطة الغرزة المائله 1 و2 ودة الشكل النهائى
للغرزة على ظهر القماش
فاضل بقا نشوف شكل الغرزة من الامام علشان نعرف شكلها النهائى
كدا احنا خلصنا الغرز تقريبا فاضل معانا الفنش بتاع الاحرف لازن نجهزة ونقفله صح لو
بصينا فى ظهر القماش حنلاقى على الاطراف بردة رقم 1 و2 لسة متوصلوش ببعض زى
الصورة كدا نوصلهم ببعض على طرف القماش علشان نخلص الاطراف داير ميدور حول قطعة القماش
اهو كدا مكان تقفيل الاحرف مع بعض
نقفل الجوانب والغرز على الاطراف بنفس الطريقة ثم نستخدم الدبابيس فى تنى الجوانب على جمب
زى الصور بالطريقة دى
نستخدم الدبابيشس فى تثبيت الغرزة وتنظبمها جيدا علشان جهزها للخياطة علشان يظهر شكل الغرزة الجمالى
وفية غرزة كمان كنا عملناها بردة احتجنا فيها للمكوى وهى غرزة المستطيل
هنا بنكوى الغرزة بالمكوى علشان تظهر بشكل افضل ونجيب الخيط والابرة ونثبت الغرزة على الجناب
ودة استعداد لان نثبتها على المكنة بعد كدا وعلشان نشيل الدبابيس نهائيا
