القسم العام

محتاره جدا في نفاسي الله يسعدكم افتوني

محتاره جدا في نفاسي الله يسعدكم افتوني 1564

كل ما يخص هذه الفتره , محتاره جدا في نفاسي الله يسعدكم افتوني

 

تعرفي علي اهم ما يخص فتره النفاس و كيف يمكن ان تقضيها و اين ايضا
،

 

محتاره جدا في نفاسي الله يسعدكم افتوني 1564

 

أنا الحين في الشهر الثامن وحامل أول مرة.. ومابقى لي شي خلاص قربت للولادة ومحتارة
وين أقضي فترة نفاسي ؟؟؟

بتقولوا لي عند أمك .. بقول لكم أمي متوفية الله يرحمها من 10 سنوات وفقدانها
حيل مألمني ومحتاجة لها خصوصاً في هذه الفترة لكن الحمد لله على كل حال …

المشكلة إن زوجة أبوي الجديدة اللي تزوجها أبوي بعد وفاة أمي بشهور تبيني أجي عندها
في فترة نفاسي يعني في بيت أبوي .. بس الهم الكبير إنه مافي غرف فاضية
بالبيت .. مافيه إلا المجلس .. وأنا أكيد مستحيل أرتاح في المجلس وأقضي أربعيني فيه
.. مهما كان هذا مش غرفة نوم ومش مريح نفسياً .. الهم الثاني أخت زوجي
اللي هي تكون زوجة عمي في نفس الوقت خاطرها ومنى عينها ياقلبي أروح عندها بعد
ولادتي .. والله إنها عسل وتحبني كثير ومعتبرتني وحدة من بناتها ..وأنا ودي أروح عندها
بس خايفة أبوي يزعل مني ويقول تركت بيت أبوها وراحت لبيت عمها ..

الهم الثالث إني قلت لابروح هنا ولا هناك .. برجع لشقتي أحسن .. عندي غرفة
فاضية أنظفها وأحط فيها سريري وسرير النونو وأصير أستقبل ضيوفي في الشقة عندي .. بس
بعد أفكر إنه صعبة لأني لحد الحين ماجهزتها ولا نظفتها ولا ركبت لها تكييف حتى
..

ساعدوني وإقترحوا علي أنامن جد محتارة ومو عارفة أيش أسوي وكيف أتصرف وكلما تذكرت أمي
بهذا الموقف تهل دموعي مثل الطفلة الصغيرة اللي مابيدها حيلة …………….

السابق
دعاء على السحرة ومن تردد عليهم لايذاء المسلمين
التالي
جربت لقيمات حروفي الاخيره يجن